Erika Mann

De Mann Erika, amtli Erika Julia Hedwig Mann (* 9. Novemba 1905 z Minga; † 27. August 1969 z Zürich) wor a Schauspuiarin, Kabarettistin und Autorin. Se hod 1933 es politische Kabarett Die Pfeffermühle grindt und hod gegnan Nationalsozialismus gorbad. Noch da Mocheagreifung is se in de Schweiz gflichdt und spoda in de USA ausgwandat. Se wor aa de Nochlossvawoitarin vo iam Vodan, in Nobelpreisdrega Thomas Mann und vo iam Bruada Klaus Mann. Ois Autorin hod de Mann Erika Essays, Reportagen und Kindabiachl gschriebm.